قوّة الشخصيّة مو صراخ ولا تسلّط، هي ثبات، وعي، واحترام للنفس. إذا حاب/ة تصير شخصيّتك قويّة فعلًا، ركّز/ي على هالأمور:
1️⃣ اعرف نفسك اعرف شنو تريد، وشنو ترفض، وشنو قيمك. الشخص القوي ما يتلوّن حتى يرضي غيره.
2️⃣ احچي بثقة لا تعتذر عن كل شي، ولا تبرّر زيادة عن اللزوم. احچي بهدوء وبكلام واضح، حتى لو كان بسيط.
3️⃣ قول “لا” بدون خوف مو كل طلب لازم توافق عليه. قول لا بأدب، بس بحزم.
4️⃣ لا تخلي رأي الناس يقودك اسمع النصيحة، بس القرار الأخير إلك. رضا الناس غاية لا تُدرك.
5️⃣ تحكّم بمشاعرك مو تكبتها، بس لا تخليها تتحكّم فيك. الغضب السريع يضعف الشخصيّة.
6️⃣ تحمّل مسؤولية قراراتك غلطت؟ اعترف وتعلّم. هذا قوّة مو ضعف.
7️⃣ احترم نفسك أولًا اللي يحترم نفسه، الناس تحترمه غصبًا عنها.
8️⃣ قرّب من ربّك قال تعالى:
﴿وَمَن يَتَوَكَّلْ عَلَى اللَّهِ فَهُوَ حَسْبُهُ﴾
الاعتماد على الله يعطيك قوّة داخلية وثبات.
تذكّر:
الشخصيّة القويّة تُبنى شويّة شويّة، مو بيوم واحد. كل موقف تواجهه بثبات
يزيدك قوّة.
